Tresna pertsonalak

Edukira salto egin | Salto egin nabigazioara

Interneten adituak

Nabigazioa

Hemen zaude: Hasiera / Bloga / Ulma Packaging, nazioarteko garapen eleanitz bat

Ulma Packaging, nazioarteko garapen eleanitz bat

Oñatin egoitza nagusian duen Ulma talde kooperatiboko enpresetako bat da Ulma Packaging. Gure enpresak egin zion garapenari esker, bederatzi webgune dauzkate orain zazpi hizkuntzatan, eta laster irekiko dira beste hiru webgune (hizkuntza gehigarri batekin). Plone plataformarekin eta plangintza egoki batekin, aurrezpen handiak nazioarteko web hedapenean.
Ulma Packaging, nazioarteko garapen eleanitz bat

Ulma errumanieraz

Joan den astean Donostian izandako Indusmedia marketin industrialeko jardunaldian, Mondragon Unibertsitateko Eli Garcia irakasleak Ulma Packaging aipatu zuen adibide eredugarri gisa. Une honetan, webgune sare honek osatzen du enpresa honentzat egin dugu despliegea:

 

Laster garatuko diren webguneak izango dira Espainia, Holanda, eta Belgikakoak, eta azken hau elebiduna izango da gainera.


Argazkiak.org | UlmaPackaging.co.uk © cc-by-sa: codesyntax


Argazkiak.org | UlmaPackaging.it © cc-by-sa: codesyntax

Webgune hauek guztiak txantiloi bera daukate, albisteak eta katalogoa eskaintzen dute, eta azal dinamiko bat daukate. Baina edukia desberdina da herrialde bakoitzean. Katalogoa desberdina da merkatu bakoitzean, eta edozein unetan berrizten ahal da gainera. Horiek Ulmak dituen datubaseetatik kargatzen dira webgunera, tarteko XML formatu bat erabiliz.

Edukien kudeaketa eta interfazeen itzulpena Oñatitik koordinatu izan da, baina ordezkaritzen artean banatu dute lana. Errusian edo Errumanian idazten dituzte bertako oharrak.

CodeSyntax-ek ez du edukia kudeatzea, eta formakuntza Oñatin eman genuen: guk ez dugu Brasil edo Italiara bidaiatu. Plataformaren mantentze lanak egiten ditugu, eta bertsio bakoitzaren irekiera koordinatzen. Ulmak nazioarteko kudeaketan lortu dituen sinergiak eta aurrezpenak handiak dira, beraz.

Software librearekin egina dago Ulma Packaging. Plone izeneko CMS edo edukia kudeatzeko sistemarekin. Azpiegitura honek duen abantailetako bat da internazionalizaziorako oso prestatua dagoela. Garatzaile komunitate zabal bat dauka, mundu guztiko jendea, eta haiekin kontaktuan gaude gu aspalditik. Datorren astean, adibidez, egongo gara PloneConf biltzarrean San Franciscon (bi lankide joango dira, Lur Ibargutxi eta Mikel Larreategi).

Plonerekin ez bakarrik edukia eta erabiltzailearen interfazea erakuts daiteke hizkuntza desberdunetan (ikusi ze ondo zirilikoz), kudeaketa interfazea ere horrela agertzen zaie, errusieraz, frantsesez edo errumanieraz, Ulmako kudeatzaileei. Aukeran, euskara ere badago hizkuntza horien artean, CodeSyntax-ek euskaratu baitu Plone. Gainera, internazionalizazioa webgune bakoitzean ere aplika daiteke, eta eleanitzak izan daitezke, CodeSyntax.com gure webgunea bera, adibidez.

 


Argazkiak.org | Albiste edizioa errusieraz © cc-by-sa: codesyntax


Argazkiak.org | Eduki kudeaketa errumanieraz © cc-by-sa: codesyntax

Erantzun

Erantzuna emateko identifikatu egin behar zara, horretarako zure Twitter, Facebook edo Google+ kontua erabili dezakezu.