CS-Tailerraren bloga

Hiriak, hiritartasuna eta Internet: software eta parte-hartzea

Eneko Astigarraga — Sun, 21 Feb 2010 01:05:00 +0100

Hiriak, hiritartasuna eta Internet: software eta parte-hartzea izenpean Deustuko Unibertsitatean ospatu den topaketan egon gara goizean eta, egitaraua ikusi ondoren, espero nuen bezala bizi-bizia eta interesgarria izan da.

Beharbada hizlari larregi denbora gutxirako, baina antolaketa ona. Azkenean, ideia ugari denbora gutxirako ..., beraz seguruenez topaketak jarraipena izan beharko du.

Jarraipenerako twitterren #colabora hashtag-a bilatuz, edo zuzeneko kronika Mikel Agirregabiriaren blogean.

Jardunaldian izan diren beste hizlari askoren artean, Codesyntax eta Tagzania services-en lankide den Dani Reguerak argi hitz egin digu datu publikoak aske izateak dakarren onurei buruz: partekatu, datuak ber-erabili, aukera berriak sortarazi, eta abar. OpenStreetMaps ipini du adibide moduan eta, esate baterako, Haitiko katastrofean.

Oso zaila da topakata osoa laburtzea, baina bizpahiru burutapen datorkit burura:

- Bide luzea dago egiteko eta web 2.0, softwarea eta horrelako ekimenak bideak baino ez dira, ez helburuak. Softwareari dagokionez, hobe software librea erabiltzea

- Parte hartzea salaketa, kexak, ... publikoekin nahastearen arriskua ikusten dut. Beharrezkoak dira, baina ez dezagun parte hartzearen indarra horretara mugatu. Beharrezkoa dugu modu kolaboratzailean eraikitzea, sortzea, irudikatzea, proposatzea, ...

- Hobe funtzionatzen ditzute hiritarrengandik sortutako ekimenak, erakunde edo enpreseetatik sortutako ekimenak baino.

- Etorkizunaren irudikapenean eta eraikitzean parte-hartzea funtsezkoa denez, gehitu ditzagun indarrak horretan.

Oharra; Argazkia Mikel Agirregarbiriarena

Conversion Thursday Gasteizen

Mikel Lizarralde — Fri, 19 Feb 2010 08:03:16 +0100

FitnessDigital

Izenak berak dioen moduan, fitness-eko makinak saltzen ditu Miñaoko enpresa honek. Hona hemen José Rodriguezek aipatutako puntu interesgarri batzuk:

2007an hasi zuten ibilbidea, beste ecommerce batetik zetozen 3 pertsonek.
Gaur egun 12 lagunek egiten dute bertan lan, horietatik 5 lan komertzialera enfokatuak daude, bezeroaren arretara bereziki.
Ondorengo herrialdeetan saltzen dute: Espainia, Portugal, Frantzia, Belgika eta Holanda.
Legez, herrialde hauetako bakoitzean bulego bat irekitzera behartuta daude. Gainera, herrialde bakoitzean bertako telefono bat jartzen dute eta bertako pertsona batek izaten ditu bezeroekin hartu-emanak. Garrantzitsua da bezero frantsesek denda frantses batekin lanean dabiltzala sinistea.
Funtsezkoa da espezializazioa eta katalogo luze eta sakona izatea. Joseren iritziz hortxe dago etorkizuneko abagunea, espezializazioan.
Beraien marketinaren %50-60a Adwords-en gastatzen dute.
Pertsona bat sartu dute sare-sozialetan jarduteko, baina errentagarritasuna lortzea oso zaila dela uste du. Lan asko egin behar da eta denbora pixka bat eman behar zaio emaitzak ikusteko.

K-tuin

Apple-en produktuetan espezializatua dago K-tuin enpresa. Denda fisikoak izatetik Internetez saltzera pasa da Alberto Guederen gidaritzapean. Hona hemen zenbait ideia interesgarri.

Interneten zein denda fisikoetan Apple-en produktuetan espezializatuak daude. Orain gutxi Apple zuzenean hasi zen saltzen Espainian eta denda fisiko propioak irekitzen hasi zen Madril eta Bartzelonan.
Beraien helburua bereiztea da, horretarako bezeroan oinarritzen dira.
Marketina egiteko bi ideia interesgarri aipatu dituzte:

Lehiakideei aurre hartu eta Apple-en marketina probestu: iPad aurkeztu zenean, aurreratu egin ziren: promozio bat jarri zuten beraien webgunean Ipad-a atera eta minutu gutxira doako zozketa bat egingo zutela esanaz. Horretarako beraien albistegira harpidetu behar zen. 15.000 pertsonen eposta helbideak sortu zituzten era horretan.
Produktuen bideoak grabatu: saltzen duten produktu askoren bideoak grabatzen dituzte: unboxing-ak, alde guztietatik ateratzen irudiak, nola montatu behar diren ... kontua produktua erakustea da eta sarerako edukia sortzea. Apple berak ere ez du halakorik egiten.

Bezeroen datu-baseak ondo erabiltzearen garrantzia: email marketinerako darabilte bereziki.

Hona hemen Enpresa Digitalaren webgunean jardunaldiaren informazio gehiago.

Search congress-eko tailerrak

Mikel Lizarralde — Mon, 01 Feb 2010 12:00:00 +0100

Audientziak handitzeko estrategiak

Diariovasco.com-eko lantaldeko lau lagunek beste hainbeste hitzaldi eman zituzten ostegun goizeko lehen saioan. Beren webgunearen trafikoa bikoiztea lortu dute urtebetean eta horretarako hainbat bide jorratu dituzte: edukiak, SEO-a eta sare sozialak.

Audientzia handitzeko estrategia (Ainhoa Iglesias)

Lehiakideengandik bereiztea da helburua eta horretarako blogetan aspalditik erabiltzen diren teknikak hasi dira erabiltzen DV-n:

Internetera egokituta dagoen eduki originala sortzea.
Google News trafiko iturri moduan erabiltzea.
Webgunean pasatzen den denbora areagotzea: erlazionatutako artikuluetara loturak eta multimedia edukiak erabiltzea.
Sare sozialetan albisteak zabaltzea elkarrizketak sortuz

Posizionamendua komunikabideentzat (Beatriz Santo-Tomás)

Bilatzaileetatik jasotzen duten trafikoa gorantz doa, besteak beste, egiten dituzten ondorengo lanengatik:

Kazetariak entrenatu: Interneten nola idatzi behar den, erabiltzaile zein bilatzaileentzako, erakusten diete: bilaketetako hitzak erabili, izenburuak eta testuak nola landu, eta abar.
Webgunearen analisia: funtsezkoa da hautsitako loturarik eta aurkitu gabeko orririk (404 errorea) ez egotea.
Estatistikak aztertzearen garrantzia: funtsezkoa da kalitatezko trafikoa eduki nahi bada etorkizunean. Gainera, erabiltzaileek egindakoa aztertzean interes berriak ere topa ditzakegu (horra hor atletismoarentzako sortu duten atal berria).

Bestalde, hitzaldi honetan ere aipatu zen SEOan datozen hilabete eta urteetan etorriko diren aldaketak, bereziki real-time search delakoa.

Sare sozialak (Verónica Vieites)

Behin baino gehiagotan aipatu dugun elkarrizketan parte hartzeko beharra aipatu zuten. Sare sozialetan erabiltzaileekin hitz egin behar da, beraiek benetan zer nahi duten jakin eta horixe emateko.

Gainera, sare sozialetan egon eta hitz egiteko jarrera badaukagu egiten dizkiguten kritikei erantzun ahal izango diegu.

Komunitatea landu beharra dago, pausuz pausu, pixkanaka. Lan horretan dabiltza beraiek, besteak beste Facebooken talde bereziak sortzen: danborrada, zinemaldia edota Jazzaldirako, adibidez.

Monetizazioa eta marketin ekintza bereziak (Maider Perea)

Ondorengo puntuak aipatu ziren hitzaldi honetan, besteak beste:

Analitika funtsezkoa da eta eman beharreko pausuak ondo zehaztea komeni da:

Helburuak jarri
Neurtu daitezkeen irizpideak jarri
Diru sarrerak estimatu
Epeak jarri kontrolak egiteko
Datuak bildu eta analisia egiteko moduan antolatu).

Sareak markak plazaratzeko aukera paregabea ematen digu, baina marka hori sarera egokitu behar da. Egokitzapen horretan funtsezkoa da elkarrizketak ematea erabiltzaile eta bezeroekin.
DVk errentagarritasuna bilatzeko akzio berriak egin ditu: publizitate modu berriak (publireportajeak egiten dihardute) eta edukien marketina egiten (Klik eta klik, argazki lehiaketak, eta abar).

Metrikak nola probestu

Multiplica enpresako Oriol Ibars-ek eman zuen hitzaldian webgunearen analisia eta probak egin beharrak aipatu ziren.

Ondorengo akats hauek egiten direla orokorrean aipatu zigun Oriolek:

Webgunerako gaizki idatzi.
Call to action-a ez da argia.
Gure ikuspuntua erabili weba egitean eta ez erabiltzaile edo bezeroarena.
Landing pages edota lurreratze orriak gaizki sortu.
Erosketa prozesu luze edota nahasgarriak.
Neurketarik ez da egiten.

Argi eta garbi azpimarratu zuen konbertsio ratioa haztea izan behar dela gure helburua. Amazon edota Gmail bezalako webguneak ikusi besterik ez dagoela, konbertsioa da helburua.

Konbertsioa lortzeko bide bakarra probak dira, adibidez A/B testak, arrazoi hauengatik:

Webgunea ez da perfektua.
Ez da esperimentazioaren beldurrik izan behar eta proba ugari egin behar da.
Ez gara intuizioaz soilik fidatu behar.
Gure erabiltzaileek diseinatu behar dute gure webgunea, ez guk.

Egindako proba hauetan, funtsezkoa da neurketak egitea, aurretik zein ondoren.

Sare sozialak, komunikazioa eta enpresak

Cink enpresako Jesus Gordilloren eskutik joan zen eguneko azken tailerra.

Aditu honen ustetan enpresek bere osotasunean ikusi behar dute Internet eta estrategia garatzean alor ezberdinak landu, batak bestearekin elkarlanean: teknika (webgune on bat eta SEO-a), komunikazioa/marketina eta enpresaren eskaintza. Hirurak izan behar dira lehiakorrak.

Enpresek erabiltzaileekin hitz egin behar dute, era aktiboan, eta komunitatea sortzeko helburua argi edukiz.

Search Congress Bilbon. Aldaketa garaian jarraitzen dugu

Gari Araolaza — Mon, 01 Feb 2010 10:00:00 +0100

Zertaz izan da Search Congress hau?

Bilaketaz aritu gara, Interneteko bilaketaz. Gauza jakina da webguneetara datorren jendearen zati handiena bilatzaileetatik datorrela, edo agian bilatzailetik esan beharko genuke, hau da, San Googletik, gehienok horrekin gabiltzanez. Webgune askotan bisitarien %80 baino gehiago etortzen da bilatzaileetatik. Horregatik da hain garrantzitsua Googlen ondo kokatua egotea, emaitza jakin batekin lehena ateratzea eta bide horretatik bisita asko jasotzea. Horren inguruan jardun dugu kongresu honetan, estatu guztitik etorritako 300 bat SEO profesionalen artean.

Zer da SEO bat?

SEO, Search Engine Optimizer edo Optimization, edo bilatzaileetarako optimizatzailea, azken urteotan webgune askotan lanean hasi diren profesionalak dira. Beraien lana, webgunea zaintzea, Googleren lehen emaitzetan azal daitezen.

Nola egiten duten lana? Modu askotan: testuak moldatuz, teknikoki webguneak txukun mantenduz, neurketak eginez, sare sozialetan webgunea bultzatuz eta beste lan askotan jardunez, horietako asko sekretuak, konpetentzia handia bait dago SEO profesionalen artean. Gaur egun trafiko ertain batetik gorako edozein webgunek du SEO profesional bat lanean.

SEO-aren hurrengo pausoa: azpiegiturak omen dira

Ostegunean Javier Casares-en hitzaldian egon ginen: El próximo SEO: la infraestructura

Javierren teoria da gaur egun gehienok gauzak ongi egiten ditugula SEO aldetik. Orduan, desberdintzeko hurrengo pausoaren bila jarraitu behar dugula, eta hurrengo pausoa beretzat, abiadura eta perfekzio teknikoa dela. Hau da, zerbitzariak ongi konfiguratzea, webguneak azkar erantzutea, redirekziorik ez edukitzea eta abar. Hainbeste sinesten du gai honetan, bere datacenter propioa sortzen hasi dela!

Hor badugu zer hobetu gehienok. Merezi du Javierren aurkezpena ikustea, informazio gehiena hor dago, bere webgunean jarrita.

Aldaketak SEO munduan: Real-time Search

Kongresuan entzundako gai interesgarriena, SEOen hurrengo erronka Real-time Search edo denbora errealeko bilaketa izango da. (Egia esateko, noiz ez da aldaketa garaia izan Internet munduan?)

Lehen zerbait bilatu eta Googlek emaitza berdinak ematen zituen gaur, bihar, etzi edo datorren astean. Baina gaur egun faktore askok eragiten du bilaketa emaitza batean:

Norberaren preferentziak edo aurretik egindako bilaketak edo izandako jokaera Googlen.
Webgune berriak. Google geroz eta azkarrago eguneratzen da, eta gaur ezagutzen ez genuen webgune bat ager daiteke bihar emaitzen lehenengo postuetan.
Twitter, sare sozialak, albisteak eta beste aktualitateko iturriak integratzen hasi da Google eta kontutan hartzen ditu webgune bat aipatzen dutenean.

Ziurtasun eza sentitzen da SEOen munduan, artifizialki lehenengo postuetan azaltzea geroz eta zailagoa izango bait da.

SEO: oraindik elite baten kontu bat

Baina bestalde, esan daiteke SEO kontu hauekin dabiltzan profesionalak nolabaiteko elite bat osatzen dutela. Etxe alboko informatika enpresa jeneralista horrek webgune bat egiten duenean normalean ez ditu gai hauek kontutan izaten, eta hor ere aldea nabari da.

Beraz, webgune bat egin behar baduzu, pentsatu SEOan eta galdetu horren inguruan zure konfidantzako garatzaileari.

Komunitatearen abantailak

Mikel Lizarralde — Fri, 15 Jan 2010 15:48:17 +0100

Egunean 300 bat proposamen jasotzen dituzte eta astean 7 kamiseta argitaratu Threadless.com webgunean. 2009an 30 milioi dolarretako salmentak izan zituen 50 langileko enpresa honek.

Erabiltzailearen inplikazioa bilatzea funtsezkoa izan da. Batetik, merkatuak gustuko izango dituen kamisetak ekoizten dituztelako, erabiltzaileek diseinatu eta aukeratuak; eta bestetik, kamiseta horiek "bereagoak" ikusten dituztela erabiltzaileek, aukeraketa prozesuan parte-hartu dutelako.

Elkarrizketa honetan azaltzen dutenez sare sozialetan ere murgiltzen hasi dira. Facebook-en 100.000 fan inguru dituzte eta milioi eta erdi jarraitzaile Twitterren. Sare hauetan jarduteko moduari buruz, naturaltasuna aipatzen dute, egiten duten komunikazioa beraien moduko pertsonei zuzendua dago eta hazkunde organikoan sinisten dute.

Hona hemen beren komunitatearen indarraren adibide bat. Communist party izeneko kamiseta da beraiek gehien saldu dutena. Begira zenbat argazki dauden Flickr-en kamiseta horrekin, gehienak berau erosi duten pertsonek ateratakoak.

Hala ere, sare sozialen hazkundea baino lehenago ere bere komunitatearekin hitz egiteko jarrera zuen 2000. urtean sortutako enpresa honek. Bere jarduna erabiltzailean oinarrituta dagoenez, funtsezkoa da enpresaren eta erabiltzaileen artean elkarrizketak ematea, baita erabiltzaileen artean ere. Horri eta kamisetak sortzeko prozesuari esker, komunitate sendoa sortzea lortu dute, era natural eta organikoan hazten doan komunitatea.

Facebook-en marketina egiten: Ikea

Mikel Lizarralde — Thu, 26 Nov 2009 16:25:00 +0100

Ikea Malmö-ren irekiera sustatzeko Facebook-en ekintza interesgarria burutu zuen altzari-enpresa suediarrak.

Irekiera baino aste batzuk lehenago saltoki berriaren kudeatzaileari profila sortu zioten Facebook-en. Profil horretan Ikearen altzariz betetako hainbat argazki atera zituzten, erabiltzaileei esanaz argazkiotan agertzen ziren altzariak lortu ahal zituztela.

Horretarako argazkietan pertsonak etiketatzeko sistema bera erabiliz, hau da, eskuratu nahi zuten altzaria etiketatu behar zuten norberaren etiketa gehituz. Altzaria etiketatzen zuen lehen erabiltzailearentzako izango zen.

Hona hemen egindakoaren azalpen bideoa (ingelesez):

Helburu publikoa eskatu gabeko mezuz spameatu ordez, beren konplizitatea bilatu zuten. Izan ere, pertsona batek altzari bat etiketatzen zuen bakoitzean bere profilean agertzen baizen, lagun guztiek ikusteko moduan.

Horrela, altzariak doan lortzeko aukera ahoz aho zabaldu zen, nahiko era merkean, saltoki berriaren albistea bolo-bolo plazaratzea lortuz.

Iturria Mashable

Community manager

Mikel Lizarralde — Fri, 13 Nov 2009 14:42:04 +0100

eTc blogekoek community manager-en (PDF fitxategira lotura) inguruko dokumentu interesgarria plazaratu dute. Joxe Aranzabalek laburpen erabilgarria egin digu bere Faroan.

Community manager hauen eginkizuna merkatuarekin hitz egitea da, Joxek horrela laburtu dizkigu:

Entzun. Etengabe arakatu behar du sarea, jakiteko zer esaten den gure enpresaz, gure lehiakideez eta gure merkatuaz.
Hedatu informazio hori barruan. Entzundakotik gauza izan behar da informaziorik inportanteena jaso eta enpresa edo erakundearen barruan zabaltzeko.
Azaldu komunitateari enpresaren jarrera. Komunitate kudeatzailea enpresaren ahotsa da komunitatearen aurrean. Erantzun eta hitz egiten du enpresa agertzen den sare sozial guztietan. Halaber, artikuluak idazten ditu enpresaren blogean edo gainerako hedabide sozialetan.
Liderrak bilatu, barruan zein kanpoan. Enpresa guztietan izaten dira liderrak. Komunitate kudeatzailea gai izan behar da horiek antzeman eta biltzeko.
Bilatu elkarlanerako bideak komunitatea eta enpresaren artean.

Joxek egiten duen gomendio bera egiten dugu, jaitsi dokumentua eta irakurri lasai-lasai.

Android Encounter 09

Aitzol Naberan — Tue, 10 Nov 2009 18:35:00 +0100

Hona hemen hizlariek eman dizkiguten hainbat ideia interesgarri (programa Euskadinnova webgunean ikus dezakezue):

Proiektua bere hastapenetan zegoenean umeei galdetu zieten: "Nolakoa izango litzateke telefono magiko bat?"
Open Handset Alliance-en helburu nagusia plataforma ireki bat izatea da, inolako ekoizle, operadore edota enpresari lotu gabea, eta ERABILGARRIA. Erabilgarritasuna azpimarratu dute.
Alvaro Fuentes-ek bere Margarita irlako etxera gonbidatu gaitu.
Software-ean oinarritutako negozioa izan beharko litzateke negozio-eredua, ez software-a saltzea. Behin baino gehiagotan aipatu du Alvarok ideia hau, "Itsaso urdina" kontzeptuari lotuz.
Afrikan banketxeentzako aplikazioen hazkunde handia.
Merkatuan leku handia dago Android-en oinarrituta aplikazioak sortzeko.
Google-en estrategia enpresen merkaturantz zuzentzen ari da.

Hona hemen CodeSyntax-eko Aitzol Naberanek eta Tagzaniako Dani Reguerak erabilitako aurkezpenak.

Android como plataforma estratégica para el desarrollo de aplicaciones

View more presentations from codesyntax.

Tagzania - Android Encounter 09

View more presentations from Tagzania.

Etxekoandroid kronika

Aitzol Naberan — Mon, 20 Jul 2009 09:20:00 +0200

Ostiralean bildu ginen EHUko Korta eraikinean android sistema eragilean interesa daukagun zazpi lagun: Gorka Julio Teketen (Elurnet), Iñaki Arizmendi eta Leire Bardají (i2Mapp), Juanan Pereira (Proyelia), Maite Goñi (Jakintza ikastola), Mikel Kerejeta (Tagzania) eta neroni CodeSyntaxetik. Hasiera hasieratik giro polita izan genuen. Deskonferentzia eran antolatutako (horrela esan badaiteke) topaketa izan zen, eta zazpi lagun izateak lagun arteko hizketaldiak erraztu zituen. Horrela, prestatutako aurkezpenetatik kanpo momentuko duda eta
txaskarrilloak komentatzeak pisua hartu zuten. Eskertzen da alboko lagunekin gauza konkretuetaz hitzegiteko aukera.

Argazkiak.org | Etxekoandroid 2009 © cc-by-sa: sustatu

Aspalditik hona gertatzen den bezala Teketenek bideo emanaldia antolatu zuen zuzenean eta bide horretatik bataz beste hamabost bat lagunek jarraitu zuten jardunaldia. Twitter eta beste tokietan ikusitakoaren arabera badirudi badagoela interesa android sistema honetan.

Lehenengo aurkezpena Iñaki Arizmendik egin zuen, eta sistemaren firmware eguneraketak izan zituen mintzagai. Firmwarea telefonoaren oinarrizko sistema da. Operadoreek oinarrizko sistema hau aldatzeko aukera daukate eta horrela eskaini nahi ez dituzten zerbitzuak kendu.
Dena dela android sistema librea den neurrian "edonork" sortu dezake oinarrizko sistema bat eta berau mugikorrean instalatu. Iñakik ezaugarri desberdinak biltzen dituen hiru firmware aurkeztu zituen, baina askoz ere gehiago daude nahi duenak frogatzeko.

Mikel Kerejetak Tagzaniak sortutako Androidarentzako aplikazioa aurkeztu zigun primizian. Aplikazioak tagzania.com webgunean egin daitezkeen ekintzak egitea ahalbidetzen du gure android gailuetatik. Aplikazio hau oraindik ez dago eskuragarri, azken ukitu batzuk falta
zaizkiolako. Hau horrela izanda, Android Developer Challengera aplikazioa aurkezteko komentarioa atera zen. Lehiaketa honetara aurkezteko abuzturako prest izan beharko dute aplikazioa. Ea ba!

Animo!

Tagzania Etxekoandroid

Juanan Pereirak hainbat Android aplikazio interesgarri aurkeztu zituen:

SipDroid: internet bidezko (VoIP) telefono deiak egiteko aplikazioa. Zuzeneko demo bat ere egin zuen Mountain View-ko pizzak etxera bidaltzen duten enpresen kokaguneaz googleri galdetuz.
Qik!: Zuzeneko bideo streaminga telefono bidez. Gorkak egin zigun erakustaldia.
GTalk: Mezularitza aplikazioa.
JetPDF: PDFak irakurtzeko aplikazioa. Mota honetako hainbat aplikazio aurkeztu zituen. Dena dela, arlo honetan oraindik asko hobetu behar delakoan gaude.
Tetherbot: android mugikorra 3G modem bezala erabiltzeko aplikazioa. Beti jakin nahi izan dut zergatik den horrelako konplexua android telefonoak modem bezala erabiltzea, eta badirudi kontratu arazoak daudela (Vodafonen adibidez kontratuz debekatuta dago hau).1

Leire Bardajík hainbat GPS nabegaziorako aplikazio aurkeztu zituen, dohakoak, ordainpekoak, interneteko konexioa behar dutenak, ez dutenak behar... Badirudi mota honetako lehen aplikazioa (AndNav) oraindik ere hoberenen artean dagoela. Aplikazio honen bigaren bertsioak OpenStreetMap-eko mapak erabiltzen ditu.

Nire aurkezpena gure Android gailuaren erabilpenaz izan zen. Gure asmoa da gure zerbitzariak bulegoz kanpo gaudenean android gailuekin kudeatzea. Horretarako zerbitzarien monitorizazio sistema bat antolatzen ari gara, eta sistema hau gmail kontu batera notifikazioak
bidaltzeko konfiguratu dugu. Androiden gmail integrazioa aprobetxatuz, notifikazioak jasotzeko erabiliko dugu. Behin notifikazioak jasota erabakiak hartzeko aukera behar dugu, horretarako ConnectBot ssh bezeroa erabiliko dugu zerbitzarira konektatzeko, eta KeepassDroid
pasahitzen kudeaketa egiteko.

Etxekoandraid09

View more presentations from codesyntax.

Esan bezala jardunaldi atsegina izan zen, eta bertaratu ginenok aurrerago biltzeko asmoa agertu genuen. Hau dela eta komunitatearen webgune izango den etxekoandroid.com webgunea sortzea erabaki genuen. Jardunaldiko hitzaldien bideoak Gorka Juliok euskaltuben jarri ditu.

CS tailerra, blogintza eta Sustatu.com-en inguruan

Luistxo Fernandez — Mon, 22 Jun 2009 10:03:37 +0200

Uztailak 8, asteazkena, izango da hitzordua CodeSyntax-en egoitzan, Eibarren, 16.00etan. Izenburu bikoitz honen inguruan antolatu dugu jardunaldi hau: "Zer egin daiteke Sustaturekin? / Euskal blogintza pentsatu 2010eko hamarkadarako"

Egitarau hau prestatu dugu arratsalderako:

Sustatu.com: blog, hedabide, edo ze demontre (Luistxo Fernandez, CodeSyntax)
Mikroblogintza sozialaren erronka: Twitter, Tuenti eta Facebooke eragina (Maite Goñi, Ordiziako Jakintza ikastola, IKTeroak, Euskaljakintza)
Telebista pertsonal/taldekoak, edo hurrengo hamarkadako TB mugikor eta distribuituak. (Gorka Julio Teketen; Elurnet, Arraytxiki)
Berbeta edo gogoeta partekatua

Azkenengo puntu hori... eztabaida irekia izan daiteke, brain-storming bat... Itxi barik utziko dugu oraingoz.

Ekitaldi irekia izango da, doakoa noski, izena emateko bete formulario hau.

Twitter nola erabili

Mikel Lizarralde — Wed, 13 May 2009 14:45:18 +0200

Zer da Twitter

Microblogging zerbitzua da Twitter. Era erraz eta sinplean mezuak publikatzeko aukera ematen diguna. Hainbat erabiltzailerentzako blogaren ordezko bilakatzen ari da. Twitterren erraz publikatu daiteke esaldi solte bat, pentsamendu bat, blogeko azken artikulua zabaldu, lotura bat edota nahi duguna, beti ere, 140 karaktereren muga errespetatuz.

Geroz eta erabiltzaile gehiago dituenez sare-sozial bat izatera iritsi da eta aukera ederra ematen du bezero eta lagunekin hartuemanak izateko, gogoratu merkatuak elkarrizketak direla.

Zertarako erabili

Twitter erreminta aproposa da komunikazioa egiteko, egokia da norbanako, elkarte zein enpresentzako. Mezuak zabaltzeko beste bide bat da, sinplea, erabiltzeko erraza, Blogaren ordezko lana egin dezake hainbat kasutan.

Hasi erabiltzen

Ez baduzu sekula erabili, sartu Twitter.com webgunean eta eman izena. Ingelesa jakitea ondo etorriko zaizu. Zure ezarpenak moldatzeko (Settings) edota erabiltzaileak bilatzeko (Find people) aukera daukazu goian agertzen den menu nagusian.

Nola erabili

Bakoitzak bere erabilpena eman behar dio, baina hasieran ondo dator ikustea beste erabiltzaile batzuk nola darabilten ikustea, hona hemen CodeSyntax-eko zenbait Twitter erabiltzaile: Eneko, Gari, Tagzania, Luistxo, Sustatu edota Mikel.

Bestalde, Joxe Aranzabalek eman zituen hainbat irizpide interesgarri ondo twitteatzeko.

Mezuak edo tweet-ak publikatu ditzakegu Twitter-en webgunean, baita gure kontaktuen mezuak ikusi ere. Horixe bera egiteko balio dute Splitweet webguneak, gomendagarria erabiltzaile bat baino gehiago badaukagu, eta TwitterFox-ek, Firefox nabigatzailearentzako gehigarria.

IEB 2009 biltzarra Donostian

Mikel Kerejeta — Thu, 07 May 2009 17:08:02 +0200

Gaur Informatkari Euskaldunen Bilkura 2009 Miramongo Empresa Digitalean.

Aurpegi ezagun ugari eta denekin egoteko denbora gutxi, gauza hok askotan harremanak egiteko izaten dira eta.

Berandu iritsi gera eta oraingoz entzundakoak, UNED, IRONTEC, Luistxo(Tagzania) eta Arraytxiki

Lehenengoa UNED-etik (Etiketa-lainoen Ikuskera Hobetzeko multzokatzea) Markatzaile sozialen hobekuntza posibleak

Tag lainoen aberastasunak lantzeko moduak. Tag laino hauek askotan ez dute inolako antolakuntzarik.
Hau da testuinguruarekiko erikutsita, izan dezaketen tag-ak nola lortu inteligenteki?

Method (140 dokumentu hartutako esperimentua):
   - Tag bakoitzari pisuak esleitu, erabiltzaileek erabiltzearen arabera. Hau da geroz eta gehiago erabili kontestu batzuetan, are eta pisu handiagoa.
   - Tag bakoitzeko dokumentu konjuntatu bat sortu, dok guztien artean
   - Bektoreak erabiliz, orainarte lortutako datuak antolatu. Sare neuronalen antzera.
Methodologia hau erabiliz , Tag lainoen gaineko datuak lortu dituzte.
   - Adimen artifizialerako bidean...

Galdera (TEKETEN): Suggest zerbitzurik lor al daiteke? inteligenterik?
   Bi aukera:
      - Tag bat idatzitakoan, bere taldean daudenen suggest-a egin daiteke.
      - Testuinguruari begiratuz, lortu tag suggest koherenteak.

IRONTEC - VO IP (ASTERIKS)

Asteriks, ikusia dut eta baita probatu ere. Teknologia polita da eta sareen ahalmena handitzen doan ehinean (sare hobeak, kanal zabalagoak, simetrikotasuna, etab.), teknologia honek indarra hartuko du. Merkea da eta aukera asko ematen ditu. Zentralita batengatik ordaintzen den dirutza, hau ikusi ondoren, astakeria dela ere pentsa genezake.

   Hiru adibide:
      - Vodafonen Kontzertu mutua, hau entzuteko, 900 telefono batera deitu eta kontzertua entzun zenezake zuzenean, nahiz eta Rock taldean 50 metrora izan. Marketing!
      - Eroski Movil, tarjeten kargak , makina operadore baten aurka egiteko aukera.
      - Euskadiko 14 eskola zentru lotu dituzte, beraien dei guztiak VOIP moduan jarriaz.

Arraytxiki.com

Lan ezberdin ugari burutu dituzte denbora gutxian, salseroak.

euskaltube.com , publikatu.com

, azken honen baitan aritu da piskabat eta oraindik bezero gutxi dituzte, eta beraien esanetan sare zailean sartzeko ahalegina egin dute. Normalean empresek betiko sistemak erabiltzen dituzte publizitatea egiteko.

LUISTXO Tagzania

- Mugak? Luistxorren aurkezpenak ez du preziorik. Gustatu zait. Laburrean, elkarlanean egin behar ditugu mapak eta ez utzi hauek teleatlas edota googlelen eskutan, baizik gu egin ( openstreetmap ) eta libreki banatu. Uste dut azken hau dela interesgarriena.

... coffe ...

IKASYS

Ohian Odriozolak teknikoki eta Maite Gomez pedagogia aldetik

Bertan lanean aritu nintzan unibertsitatean nengoeneko garai haietan, eta hasiera egunetan egin genuen diseñu bera du aplikazio osoak, baita notebook-ak gordetzeko armairuak ere gogora ekarri dizkit marrazki ugari.
Aplikazioek aldaketak izan dituzte itxura eta erabilgarrien aldetik. Hobetu esango nuke. Aplikazio txukuna lortu dute.

Designer: Ariketa egileak, web bidezkoa.
Inspector: Irakasleen aplikazioa, web bidezkoa.
Trainer: Ikasleak notebookean ariketak egiteko aplikazioa.

140.000 ariketa dituzte dagoeneko, Ariketa guztiek zuzenketa automatikoa dute gehienak, idatziak pentsatzen det irakasleak errepasatu beharkoditu...ez nago ziur.

Oraingoz 4000 bat ikasleren kontrola daramate, baina euskal herriko ikastetxe guztietara iritxi nahi dute. Baita Espainiara zabaldu ahal bada.
Galdera: - Ze lizentzia mota? Zabaltzeko aukerarik?
               Beraiek dena saltzen dutela, beraiekin harremanetan jartzeko. Agua.

               - Zergaitik ez Moodle?
                 Zuzenketa automatikoak eta kudeaketak behartuta egin dutela, baina irekitzea aurrekusita dutela.

EZWEB

Josu Azpillaga jauna aurkezpen txukuna eta argia. Berarekin jarri kontaktuan gehiago jakiteko. ;)

Baliabide ezberdinak dituen aplikazioa da hau, aukera asko ditu aurreratuak ez diren erabiltzaileentzat, gatchet ugari bil ditzakeen aplikazioak lor genitzake.

FAGOR

SOA aplikazioak....Empresa guztiak loteko moduak (ERP zerbitzu ezberdinak). Aplikazio bakarraren gainea... software librean dago oinarritua.
Taldera datozen empresa berriak nola lotu gure sistemara? SOA Aplikazio ebolutiboa deitu diotena erabiliz. SOA zentral baten aurka jarri denak, eta baita informazio sare zaharrak mantenduz.
Bai hornitzaileak et baita bezeroak ere SOA zentral horren kontra jartzen dituzte eta SOA zentral orrek egiten ditu egin beharrak.
ERP ezberinekin lotu, etabar.
Mogimendu ezberdinen monitorizazioa ere badute.
6 hilabete eta 1 urte bitartean barneratzen dittuzte empresa berrien sistemak, dirua aurreratzen dute denborak ere kostu bat duelako, eta integrazioak ez dira errezak izaten.
Kritika txiki bat, Empresa euskalduna izanda ez du web gunea euskaraz, lastima.

Beste hizlari batzu ere egon dira, Sinadura digitala etab, baina erdizka entzun ditugu. Guzti guztiak hemen dituzu eta hauen eurkezpenak ere sarean jarriko dituztela penstzet dut.

Arratsaldean ez gera egon, ezta bazkarian ere, pentsatzen dut ardoak elkar harreman ugari piztuko zituela.

Jarraipena zuzenean egiten hari gera Eibartik,

Updated!

AHOTSAK.COM

Gure Asier ere bertan izan da, Ahotsak proiektua aurkeztuz. Euskal herriko euskera berba mota ezberdinak aztertu eta batu dituzte. Tokian-tokikoa argitu eta azalduz. Bideoak eta audioak ere badituzte, berba ezberdinak aztertu eta gure euskera modu batean aberasteko ere baliagarri.

Ikaragarrizko lana dute egina dagoeneko eta ala ere lanean fin jarraitzen dute, ahotsak2 atera nahian, nola ez!

CS tailerraren jardunaldiak

Mikel Lizarralde — Thu, 02 Apr 2009 16:44:19 +0200

CS Tailerraren hurrengo jardunaldiak prestatzeko zure intereseko gaiak zeintzuk diren jakin nahi dugu, eta horretarako inkesta bat jarri dugu martxan lagun eta bezeroen artean. Zure laguntza benetan eskertzen dugu!

Hitz gakoen analisia

Mikel Lizarralde — Fri, 13 Mar 2009 13:49:22 +0100

Hartu ezazu orri zuri bat eta idatzi zurearen tankerako webguneetara iristeko bezeroek Google-en bilatu behar lituzketen hitz edota esaldiak. Beste aukera bat, lehiakideen webguneak aztertzea da, ea zein hitz gako darabilten ikusteko.

Hitz gakoen zerrenda egin ostean, hauetatik erabilienak zeintzuk diren jakin behar dugu, hau da, gure webgunera jende gehien ekarriko dituztenak. Horretarako Google Keyword Tool erreminta erabil daiteke.

Hala ere, ezin ditugu baztertu trafiko gutxi ekar ditzaketen hitz gako horiek, litekeena da garrantzitsuagoak izatea gure negoziorako eta emaitza hobeak eman ditzakete beste hitz gako batzuek baino (adibidez, benetan interesa daukan trafiko segmentatua badakarte). Hitz gako hauek aukeratzeko prozesu hau funtsezkoa da posizionamendua egiteko, baina baita Google-en Adwords iragarkiak kontratatu nahi izanez gero ere.

Posizionamendu lana burutu ostean, edota Adwords iragarkiak kontratatu ostean, funtsezkoa da emaitzak neurtzea. Horrela jakin ahal izango dugu zein hitz gakok ematen diguten trafikorik onena eta zein hitz gakorekin saltzen dugun gehien (hori bada gure helburua). Analisi honi esker gure hitz gako zerrenda moldatu beharko genuke, terminu batzuk kenduz eta beste batzuk gehituz.

Oinarrizko posizionamendu gomendioak

Mikel Lizarralde — Wed, 04 Mar 2009 11:10:00 +0100

Jende gutxik jartzen du zalantzan posizionamendua zein garrantzitsua den gure webguneentzako. Hauxek dira, labur-labur, Google-ek argitaratutako gidan aipatzen diren puntuak:

Webgunearen izenburua (title etiketa): sortu izenburu deskriptibo eta laburrak, gomendagarria da webgunearen orri bakoitzarentzari izenburu propioa jartzea. Ondo kokatzeaz gain, gogoan izan bilatzaileen emaitzetan jendeak ikusten duen lehen gauza webgunearen izenburua dela, erakargarria izan behar dira, beraz.
Deskribapena (description etiketa): labur eta era deskriptiboan azaldu zure webgunea. Bilatzaileen emaitzetan, izenburuaren azpian agertzen da deskribapena.
Webgunearen URL-a (nabegatzailean idazten dugun helbidea): hitz gakoak agertu behar dira bertan, era laburrean bada hobe. Hobe da gure webgune honen moduko URL helbide ulergarriak izatea.
Webgunearen nabigazioa: ezar ezazu zure webgunean erabiltzaileek ulertzeko moduko nabigazioa. Erabili kategoria izen deskriptibo eta zentzuzkoak. Gomendagarria da menu nagusian Flash edota JavaScript-ik ez egotea. Breadcrumb-ak (ogi apurrak) erabiltzea gomendagarria da baita ere. Webgunearen mapa edukitzea eta 404 orri erabilgarriak diseinatzea ere garrantzitsua da.
Kalitatezko edukia eskaini: pentsa ezazu zure erabiltzaileengan eta eskaini beraiek nahi duten edukia, idatzi beraiengan pentsatzen eta ez bilatzaileengan.
Loturak ondo egin: gai honen inguruan, hobe Gariren Nola egin loturak artikulua irakurtzen baduzue.
Orrien goiburu etiketak era egokian erabili (h1 eta h2 etiketak): Eskema moduan, erabiltzailea orrian kokatzeko baliagarriak dira, baina orri bakarrean ez da abusatu behar.
Argazkiak era egokian landu: Argazki bat webgunera igotzean, jarri izenburu egokia, bilatzaileek asko baloratzen dute.

Gomendio gehiago aipatzen dituzte. Hemen ikus dezakezu gaztelaniazko artikulua eta hemendik jaitsi gomendioen PDF-a.