Pixel Sistemas

Pixel Sistemas enpresak, besteak beste, produktuen diseinu eta bizitza zikloko soluzio teknologikoak eta 3D inprimagailu profesionalak eskaintzen ditu. Webgunean haien produktu-eskaintza zabala aurkezten dute, ezagutzera ematen dituzte burutzen dituzten formazio-saioak, arrakasta-kasuak aipatzeaz gain. Garapena Plone eduki kudeatzailea erabiliz burutu dugu.

ELA 2017

ELA Euskal Sindikatuaren webgunea goitik behera berritu dugu, teknikoki zein estetikoki. Webgune berriak bisualagoa izan nahi du, nabigazio argiagoarekin, ELAren mezua hobeto iritsi dadin. Garapena Plone teknologia erabiliz dago egina.

Dinamoa

Azpeitiko kultur mugimendu indartzeko helburua du Dinamoak, Azpeitiko Udalak eta Kultur Mahaiak martxan jarritako proiektuak. Dinamoaren webgunea azpiwebgune moduan dago egituratua, Kulturaz.eus webgunearen azpian. Garapena Plone eduki kudeatzailea erabiliz dago egina.

La Salle Eibar 2017

Eibarko La Salle ikastetxearen webguneari aurpegia berriztu diogu. Batetik, egitura berria eman diogu hasiera orriari, elementuen berrantolaketa bat eginez, hauek erakundearen lehentasunetara egokituz; bestetik, diseinu berria edozein gailutara dago egokitua diseinu arduratsuaren teknika erabiliz.

Zinema Uneak

Euskara eta Zinemaren topagunea izateko asmoa duen webgunea garatu dugu, horretarako Plone eduki kudeatzailea erabiliz. Zinema komertzialaz informatzeko helburua dauka webguneak, euskaraz. Tamalez, 2019.an proiektu hau saretik desagertu da.

ZingiZango

Legazpiko euskara elkartearen webgunearen itxura berritu dugu

Aretxabaletako Udala

Aretxabaletako udalaren webgune berria garatu dugu. Berrikuntza alderdi teknikoan zein estetikoan jorratu dugu. Eduki kudeaketarako sistemaren (Plone) bertsioa berritu dugu. Eta diseinu berria landu dugu, mugikorretara egokituz, diseinu arduratsuaren teknika erabiliz.

Amorebieta-Etxanoko udala

Udal webgunea berritu dugu, teknikoki zein estetikoki. Eduki kudeaketarako sistemaren (Plone) bertsioa berritu dugu. Eta diseinu berria landu dugu, mugikorretara egokitua.

Kulturaz

Azpeitiko Kultur Kooperatibaren webgunea da Kulturaz.eus. Kooperatiba honek hiru gune nagusi kudeatzen ditu: Sanagustin Kulturgunea, Soreasu Antzokia eta Dinamoa Sormen gunea. Gainera, haien agenda telebistan ikusteko moduan prestatu dugu, webgunetik zuzenean elikatuz eta baita mugikorretarako aplikazio bat ere. Garapena Plone erabiliz egina dago.

Europa bat-batean

Donostia 2016 dela eta antolatzen den "Europa bat-batean, kantu inprobisatuaren nazioarteko topaketa" biltzarraren azpiwebgunea garatu dugu. Aparteko webgune bat egin ordez antolatzailea den Mintzola Fundazioaren webgunearen baitan sortu da azpiwebgunea, bere diseinu eta eduki zuhaitz propioarekin. Garapena Plone eduki kudeaketarako sistema erabiliz egin dugu.

Mintzola Fundazioa

Mintzola Fundazioaren webgunea berregin dugu. Prozesuan zehar Plone eduki kudeatzailearen azken bertsioa erabili dugu eta diseinu arduratsuaren teknikari esker webgunea edozein gailutara egokitzen da.

Neurtek

Neurtek enpresaren webgunea berritu dugu, horretarako Plone erreminta erabiliz. Hainbat hizkuntzatan egoteko prestatua dago eta helburu nagusia bezeroen kontaktu-eskaerak lortzea da. Webgunea enpresaren ERParekin dago lotua.

Elay

Elay enpresaren webgunea garatu dugu Plone eduki kudeaketarako sistema erabiliz. Webgune eleanitza da, euskaraz, alemanez, ingelesez, gazteleraz, frantsesez eta txineraz dago. Intranet bat dauka. Mugikorretara egokitua dago diseinu arduratsuaren teknikari esker.

Soraluzeko udala

Soraluzeko udalaren webgunea garatu dugu Plone software libreko eduki kudeatzailea erabiliz. Webgune berrian herritar eta bisitariei informazioa eskaintzen diete, eta baita tramiteak egiteko aukera ere.

Bai industriari - Debegesa

Bai industriari Debegesa Debabarreneko garapen agentziaren ekimen bat da sektore industrialak eskualdean duen pixua ezagutzera eman eta lanpostu mota hori balioan jartzeko. Ekimenarentzat aparteko webgune bat sortu beharrean Debegesaren webgunean bertan integratu dugu azpiwebgune edo microsite moduan garatuz.

Larzep

Munduan zehar saltzen duen enpresa industrial honen webgune eleanitza berritu dugu Plone eduki kudeatzailea erabiliz. Webgunea hainbat hizkuntzatan dago eta nahi beste domeinutan argitaratzeko prestatua dago, kudeaketa zentralizatu batetatik abiatuz.