DjangoCon Europa 2013: Laburpena

2013/05/21
Bukatu da dagoeneko DjangoCon Eu 2013. Joan gara blogean kontatzen bertan ikusitakoak, baina laburpen bat egiteko garaia da.

Hitzaldiak

Kasu hauetan beti esaten da gutxienekoa hitzaldiak izaten direla, baina ez nago guztiz ados. Egia da bai, gaur egun bertan kontatu ziren gauza asko eta asko internet bidez deskubritu ditzazkezula, baina egoera ez da berdina. Atzerrira joan zara, programa bat daukazu, eta hizlariek esaten dutenei kasu adi egiteko aurrebaldintzatuta zaude. Hizlari bakoitzak 30 bat minutu zituen bere hitzaldia emateko eta ondoren galderak egoten ziren. Hitzaldi guztiak errenkadan zihoazen bata bestearen atzetik (ez zegoen saio paralelo edo horrelakorik), eta iruditzen zait hurbilpen egokia dela. Saio paralelodun kongresuetan egon izan naizenean beti izan dut zerbait galtzearen sentzazioa.

Hitzaldietan denetarik izan da (aurreko egunetan aipatu izan ditugu zenbait, blog honetan bertan, Jatsuk eta nik neuk): hitzaldi filosofikoak, lan metodologien aurkezpenak, hitzaldi umoretsu/sarkastikoak, django paketeen aurkezpenak, datu baseak... Dena den pare bat gauza bota ditut faltan:

  • Djangoren etorkizuna edo roadmap-a, edo dena delakoari buruzko hitzaldi bat
  • Mega cool / must have / tresna / aplikazio aurkezpen bat

Lehena, hau DjangoCon bat zelako, eta normala izango litzatekeen bertan Djangoren eboluzioaz aritzea; eta bigarrena horrelako tokietara zerbait guztiz berritzailea aurkitzeko esperantzarekin joaten zarelako (dena den, hitzaldietan egon ez arren django-cms berriak itxura oso ona dauka).

Azkenik badirudi ohitura bat ere apurtu dela, izan ere orainarteko DjangoCon-etan Django berarekin kritikoa zen hitzaldiren bat ere egon izan da, baina aurtengoan ez dugu izan horrelakorik.

Apunte eta tweet pila bat aurkitu daitezke hitzaldien inguruan, baina iruditzen zait, onenak Reinout van Rees-ek egindakoak direla. Hitzaldi guztiak bideoan grabatu ziren, eta pyvideo.org-n jarriko dituzte.

Jatsu_Aitzol_DjangoCon_Photobooth

Zirkoa

Ikaragarria izan da konferentziaren ingurunea, benetako zirko karpa bat, eta inguruan palomitak, globoak, mozorroak, ... karpapean egoteko gogorik ez baldin bazenuen kanpoaldean hondartzako aulkiak, buff-ak eta lurrean exerita egoteko mantak. Hasieran beldur nintzen eguraldi txarra egitekotan zer gertatuko zen, baina eguraldia ere lagun izan dugu eta horrek primerako ingurunea eskaini digu. Zoragarria.

Giroa

Iruditzen zait inguruneak giroa baldintzatu duela, eguraldi onak eta zirkoak berak, jendearen umorean eragin du. Guztiok geunden oso lasai eta lagunarteko giroa nabaritzen zen. Aurrez aipatu dut, nola askorentzat hitzaldiak baino gehiago networking delakoa izaten dela kongresu hauetako gauzarik interesgarriena, eta inguruneak hau asko erreztu du. Aspaldiko ezagunen bat aurkitu dugu, twitter bidez soilik ezagutzen genuen besteren bat ere bai, eta nola ez, jende berriarekin hitzegiteko aukera izan dugu.

Antolaketa taldeak  storify bat sortu du gertatuakoa kontatzeko eta flickr talde bat ere badago argakiak ikusi ahal izateko.

Azken hitzak

Azken hitzak antolaketa taldeari eskerrak emateko erabili nahiko nituzke, benetan lan ikaragarria egin dutela iruditzen zait, eta ez naiz ni horrela pentsatzen duen bakarra, twitter horrelako aipamenez beteta dago, eta kongresu bukaeran bertako guztiok zutik eskainitako txalo zaparradak ere sentimendua guztiz orokortua dela erakusten du.

Dziękuję Warszawa

Erantzun

Erantzuna emateko identifikatu egin behar zara, gure webgunean erabiltzaile bat sortuz edo zure Twitter edo Facebook kontua erabiliz.

Aitzol Naberan

Django garatzailea. Umore fina dauka (Ondarroako estandarretarako)