Pencil: webguneen prototipoak egiteko tresna

2010/07/19
Webgune bat sortzerakoan lehenengo pausoetakoa izaten da maketa edo amerikarrek Wireframe esaten diotena egitea. Horretarako tresna oso egokia da Pencil

Duela zenbait hilabete frogatu genuen baina ez zegoen orain bezain aurreratua. Duela pare bat aste berriz frogatu eta etxerako hartu dugu!

Pencil Project, Firefox-ean ezartzen den aplikazio bat da, arina eta erraz erabiltzen den horietakoa. Bere helburua, webgune eta aplikazioen prototipo eta maketak sortzea erraztea da.

Webgune bat definitzen ari garen fasean, oraindik diseinurik ez dugula komeni da egiturak antolatu, lehentasunak definitu eta informazioa egoki antolatzea. Maketa hauen gainean behar den guztia eztabaidatzen bada, gero lanak asko errazten dira eta arazo gutxiago izaten da.

Tresna honek berdin balioko dizu ordenagailurako edo eskuko telefonorako aplikazio bat nolakoa izango den pentsatzen ari bazara.

Eman aukera bat Pencil aplikazioari eta kontatu ea nola datorkizuen.

Erantzun

Erantzuna emateko identifikatu egin behar zara, gure webgunean erabiltzaile bat sortuz edo zure Twitter edo Facebook kontua erabiliz.

Gari Araolaza

Ingeniaria, proiektu zuzendaritza. Python, Whitesnake, Scrum, Yngwie Malmsteen.