2007/06/15
Euskal partaidetza duen PloneGov Software Libreko ekimenak Epaimahiaren Lutece d'Or Sari Nagusia jaso du aste honetan ospatu den Paris Capital du Libre -n. Zope eta Plone teknologietan oinarrituta dagoen ekimen honetan Belgika, Frantzia, Suitza, Holanda, Argentina edo Euskal e-government proiektuak parte hartzen dute.

 

Walloniako Gobernuak eta Walloniako Union des Villes et Communes de Wallonie bultzatzen duen Communes Plone (www.communesplone.org ) proiektua, Suitzako eGovPlone.ch (www.plonegov.ch) proiektua eta Euskal UdalPlone proiektuek osatu zuten PloneGov ekimenaren oinarria .

Maiatzaren bukaeran Belgikan egin diren bileretan PloneGov oinarrizko ekimenera Zope eta Plone teknologiarekin dabiltzan Holanda, Alemania, Argentina edo Frantziako e-government proiektu gehiago gehitu ziren.

Elkar lan honi esker PloneGov -ek software libreko Lutece d'Or sari europarrean Gran Prix du Jury (Epaimahiaren Sari Nagusia) jaso du Parisen egin den Paris Capital du Libre ekimenean.

UdalPlone

PloneGov ekimenak erabiltzen duen oinarriko Zope teknologia ezaguna da gure inguruan. Udalerri web plataforma ezberdinak garatu ditu CodeSyntax-ek Zoperen gainean. Esate baterako, zenbait Udal webgune korporatibo, Arrasate, Aramaio , Bera, Bergara, Eskoriatza , Elgeta , Orio , Ondarroa , Oñati , Saint Pierre d'Irube - Hiriburu edo amankomunazgo eta koadrilen web atariak Kanpezuko-Arabako Mendialdea Koadrila , Zuiako Koadrila , Debagoeinako Amankomunazgoa Debabarrena eta Debabarrena turismo edo bestelako Udal webguneak Donostiako Udalaren euskaraz.net edo merkatari.net , Bilboko Udalaren Lan ekintza, Eibarko Udalaren Egoibarra , Azpeitiako Udalaren erabili.com , etabar, teknologia hau erabiltzen dute.

Esperientzia horretatik abiatuz, eta pausu bat gehiago emanda software libreko Zope/Plone teknologian oinarrituz CodeSyntaxek, Amorebieta-Etxano Udalarekin batera, UdalPlone plataforma berria hasi da garatzen eta PloneGov ekimenean parte hartzen dute plataforma , erreferentziak , produktuak , informazioa edo praktika onak elkar trukatuz.

Nazioarteko e-administrazio ekimena

Ekimena udalerri guztiei irekita dago. Europan 500 miloi biztanle bizi dira 100.000 udalerri, kantoi, herrialde eta komunitate baino gehiagotan, eta gehienek ezin dutenek bere kabuz eta bakarrik e-administrazioak edo e-government-ak dituen eta etorkizunean izango dituen eskakizun berriei erantzuteko behar diren garapen propioak finantziatu eta aurrera eraman.

Baina azken finean, e-administrazioari dagokionez, Belgika, Frantzia, Holanda, Suitza, Euskal herria edo Europako beste edonongo udal baten oinarrizko beharrak antzerakoak dira.

Horregatik, PloneGov nazioarteko ekimenaren bitartez, software librea erabiliz eta software libreko ekimenekin lotuz, guztientzat baliagarriak izan daitezkeen oinarrizko garapenak egin eta udal administraziorako software libreko oinarrizko plataforma bat lantzea da helburua.

Horrela, gerora ere software libreko komunitate batean garatzen eta mantentzen jarraitu daiteke proiektua. Europar Komisioak interesa jarri du eta hurrengo egunetan aurkeztu egingo zaio proiektuan. Honetaz gain, Argentina, Brasil, - hedapen handia dute Plone proiektuak Brasilgo administrazioan -, eta Uruguay-ko e-administrazio proiektuekin harremanetan dago PloneGov ekimena.

Sustatu albistegian argitaratuta: Europako software libreko saria PloneGov ekimenari

Erantzuna gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira. Erantzunak moderatuta daude.

Agian interesatuko zaizkizu beste artikulu hauek