2013/04/10
Interneteko denda gehienek Google dute trafiko iturri nagusia. Dela bilaketa organikoa edota Adwords iragarkiak. Eta Google-ek joko-arauak etengabe aldatzen ditu, bilaketaren emaitza aldatuz, adibidez, eta ondorioz zure dendako bisita-kopurua murriztuz. Horra hor zure diru-sarreren jatorrian Google egotearen arriskua.

Interneteko dendentzat Google-ek beste erreminta interesgarri bat dauka, Google Shopping prezio konparatzailea, pasa den urtean atera genuen blog honetan. Kisale gure dendan etxeko lanak txukun egin eta trafiko-iturri interesgarria bilakatu genuen Google Shopping. Baina halakoan Google-ek zerbitzu hau moldatzea erabaki zuen ordainpekoa bilakatuz. Oraindik ere izan ditzakezu zenbait doako bisita, baina pixua galdu dute ordainpekoen aldean, begiratu bestela Kisalen Google Sopping-etik jasotzen genituen doako bisiten grafikoari:

Google Shopping

Eta nola gauzatu du hau Google-ek? Ba bere bilaketa-emaitzen orria moldatuz. Google-en produktu baten bilaketa egiten dugunean, Endura Pacu betaurrekoak kasu, aurrena Adwords iragarkiak erakutsiko dizkigu bilaketa-kutxaren azpian, eta eskuman eduki-sorta berri bat aurkituko dugu, Google Shopping darabilgun denden iragarkiak. Horixe dira eta, iragarkiak, Merchant eta Adwords bidez kudeatuak.

Endura Pacu Google Shopping

Doako trafikoarekin amua jarri zigun Google-ek Shopping-ekin, eta orain ordaintzen hasi gara. Zure salmentak enpresa handi baten mende egotearen ondorioak

Erantzuna gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira. Erantzunak moderatuta daude.

Agian interesatuko zaizkizu beste artikulu hauek