Interneteko marketin ikastaroa

2012/10/22
Azaroaren 8an Interneteko marketinaren inguruko ikastaroa emango dut UEUren udazkeneko ikastaro-sortaren baitan, Eibarko Markeskoako egoitzan.

Marketina norabide bakarreko komunikazioa eta propaganda baino askoz kontu zabalagoa da. Eta ez dut esaten nire lana justifikatzearren, ez. Askok kalean marketin hitza darabilenean propagandaren parekide gisa egiten du, eta ez da horrela. Marketinak bezero eta erabiltzailearekin elkarrizketa bat hastea du helburutzat, azken honek zer nahi duen jakin eta emateko.

Eta ikastaroan marketin lan hau interneten nola egin dezakegun aztertuko dugu. Egun bakarrean. Sesio luzean zehar kontzeptuak, trafikoa lortzeko teknikak, neurketak eta sare sozialen inguruan jardungo dugu, ahalik eta ikuspegi praktikoarekin.

  • Noiz: azaroaren 8a. 9:00-13:00 eta 15:00-19:00.
  • Non: Eibarren, Markeskoa jauregian.

Informazio gehiago eta izen-emateak hemen, UEUren webgunean.

Erantzun

Erantzuna emateko identifikatu egin behar zara, gure webgunean erabiltzaile bat sortuz edo zure Twitter edo Facebook kontua erabiliz.

Mikel Lizarralde

Marketing arduraduna. Hobera egin du: lehen altzariak saltzen zituen.