Tagzania State of the Map 2009 konferentzian

2009/07/14
Tagzania Services enpresako kideak Amsterdam-en ospatu den State of the Map 2009 (SOTM09) konferentzian egon dira pasa den uztailaren 10etik 12ra. OpenStreetMap munduko mapa libre eta editablea bultzatzeko proiektuaren inguruko ebentua da SOTM09. Hitzaldietan parte-hartzeaz gain konferentziaren babesleetako bat izan da Tagzania.
Argazkiaren egilea: Mgilbir (Flickr)

Argazkiaren egilea: Mgilbir (Flickr)

State of the Map-en hirugarren edizioa izan da hau eta 250 bat pertsonak parte-hartu dute aurtengo honetan. Hiru egunetan zehar hainbat aurkezpen egon dira: OpenStreetMap-en egoerari buruzkoak, hobekuntza proposamenak, proiektu berrien aurkezpenak edota herrialdeetako mapei buruzkoak.

Ebentuaren inpresioak Tagzania Services-en blogean jaso dituzte. Hemen aurki dezakezu erabili zuten aurkezpena. Bertan, Tagzania.com-en OpenStreetMap nola erabiltzen den aipatzeaz gain, Mapapel proiektu berria ere hizketagai izan zuten.

SOTM09-ren inguruan interesa badaukazu, begiratu Slideshare-en dauden aurkezpenak edota Vimeon dauden bideoak.

 

Erantzun

Erantzuna emateko identifikatu egin behar zara, gure webgunean erabiltzaile bat sortuz edo zure Twitter edo Facebook kontua erabiliz.

Mikel Lizarralde

Marketing arduraduna. Hobera egin du: lehen altzariak saltzen zituen.