Umap-en inguruan Hamaika Telebistan

2011/10/04
Duela aste batzuk Hamaika Telebistako lagunak etorri ziren bulegora, eta Umap gure produktuaz galdetu ziguten, Twitterreko euskarazko jardun guztiaren biltegiaz. Jada eman dute telebistaz, eta bideoa sarean ere jarri dute.

Luistxo Fernandezek erantzun zien kazetariaren galderei, enpresaren gure egoitzan. Hamaika.bit izeneko programan eman dute emanaldia, eta Youtube euskaratu berrian ere jarri du programa horren babesleak, Azkue Fundazioak. Bideoari ematen badiozu, 14. minututik aurrera jartzen da martxan, Umap-i buruzko atala hasten den unean, baina aurrekoa ere ikus dezakezue, Ugarteburu Sarien inguruko erreportaiatxoa.

Luistxoren azalpenetan: Umap nola bururatu zitzaigun, Twitterren teknologiak nola ahalbidetzen duen informazioa bat-batean prozesatzea, euskarazko eduki guztia bilatzeko taktika, informazioa prozesatuz albistegi automatiko bat nola sor daitekeen...

Eskerrik asko Hamaika Telebista!

Erantzun

Erantzuna emateko identifikatu egin behar zara, gure webgunean erabiltzaile bat sortuz edo zure Twitter edo Facebook kontua erabiliz.

Mikel Lizarralde

Marketing arduraduna. Hobera egin du: lehen altzariak saltzen zituen.