CodeSyntaxen Bloga

Emun.com, lan mundua euskalduntzeko kooperatibaren webgunea

Joan den astean bi inaugurazio egin zituen Emun kooperatibak: egoitza berri bat Martin Ugalde Kultur Parkean (Andoain, Gipuzkoa), eta Emun.com webgune berria.

2005/03/14

Emun.com, lan mundua euskalduntzeko kooperatibaren webgunea - +

Goienako blog komunitate berria Coreblog euskaratua erabiliz

Debagoienako Goiena Komunikazio Zerbitzuak blog komunitatea sortu eta integratu du Goiena.net atarian. Dagoeneko sei bitakora edo blog ipini dira martxan, baina gehiago zabaltzeko asmoa dago. Goienaren proiektu berri honek CodeSyntax-en laguntza eta aholkularitza teknikoa izan du eta Eusko Jaurlaritzaren Kultura Sailaren laguntzarekin euskaratutako Coreblog softwarea erabiliz garatu da.

2005/03/08

Goienako blog komunitate berria Coreblog euskaratua erabiliz - +

Mokoroaren esapideen datubasea Interneten

Justo Mokoroa idazle eta euskaltzaleak bere bizitzan zehar bildutako 92.000 esapide, sarean jarri dira Hiru.com webgunean. Argitalpen digital honetan, CodeSyntaxek apailatu du datubasea, web interfazea eta bilaketa-sistema. Idazle tolosarrak urteak igaro zituen Euskal Herriko hainbat bazterretan euskal esapideak eta lokuzioak jasotzen. Berak bildutako lan guztia "Ortik eta Emendik" (1990) liburuan argitaratu zuen Labayru ikastetxeak.

2005/03/02

Mokoroaren esapideen datubasea Interneten - +

Udal Euskaltegiak. Webgune berria

Udal Euskaltegiek gaur jarri dute on-line webgune berria: http://www.udaleuskaltegiak.net . Diseinu eta eduki berriak ditu webguneak. Gipuzkoako Udal Euskaltegien gaineko informazio guztia aurkituko duzu bertan, euskaraz eta gaztelaniaz.

2005/02/17

Udal Euskaltegiak. Webgune berria - +

Uztarria.com Sareko Argia Saria

Ohi bezala, prentsa idatzia, irratia, telebista, Internet eta merezimenduzko Argia sariak 2005 ospetsuak banatu zituzten ostiralean. Internet atalari dagokion Sareko Argia Saria Azpeitiko Uztarria.com webguneari eman zioten. Uztarria.com Azpeitiko Ataye, teknikoki Zope Software libreko Web Aplikazio Zerbitzariarekin egina dago eta garapenerako CodeSyntax -en laguntza teknikoa izan du.

2005/01/29

Uztarria.com Sareko Argia Saria - +

Teknologia berriak eta euskara: enpresen ikuspegia jorratzen izango da CodeSyntax mahainguru batean

Datorren urtarrilaren 21ean, ostiralarekin, mahaingurua izango da Eibarren: Teknologia berriak eta euskara: enpresen ikuspegia. Han izango da CodeSyntax beste enpresa hauekin: Adur Software, Eleka eta Fagor.

2005/01/14

Teknologia berriak eta euskara: enpresen ikuspegia jorratzen izango da CodeSyntax mahainguru batean - +

Lokalizazio ikastaroa emango du Luistxo Fernandezek

Lokalizazioari buruzko ikastaroa emango du martxoan Eibarren Luistxo Fernandez CodeSyntax-eko sortzaile eta proiektu arduradunak. UEUren HIZTEK hizkuntza-teknologien masterraren barruko modulo bat da hori, baina aukera dago, master osora matrikulatu barik, modulo jakin horretan izena emateko (plaza mugatuak).

2005/01/12

Lokalizazio ikastaroa emango du Luistxo Fernandezek - +

Plone 2.0 urteko produktorik onena eWeek-en iritziz

Zope -ren gainean eraikitako web eduki kudeatzaile eta web atari sortzailea den Plone 2.0 plataforma bere kategorian 2004 urteko produktorik onena izendatu du eWeek aldizkariak. Kategoria honetan hautaketa merito handikoa da software librea den Plone bezelako produktu batentzat, konparaketa Interwoven bezalako prezio handiko beste produktu batzuekin leiatu eta irabazi egin duelako. Zoperen Plone 2.0-k lortutako baloraketa . Interwoven-en produktuak lortutako baloraketa .

2004/12/27

Plone 2.0 urteko produktorik onena eWeek-en iritziz - +

Arteman: euskarazko komunikazio eta diseinu enpresa

Arteman Arrasaten kokatutako komunikazio eta diseinu enpresa da. Urtetako eskarmentu profesionala duen lantalde gaztearekin dago osatua. Bere jarduna komunikazioan, diseinu grafikoan eta webgintzan oinarritzen da gehienbat. Orain, CodeSyntax-ek garatutako webgunea jarri dute martxan.

2004/12/20

Arteman: euskarazko komunikazio eta diseinu enpresa - +

CodeSyntax diseinatzaile bila dabil

Lan poltsa osatzeko diseinatzaile bila ari gara kolore, forma eta diseinu konbinazioan gustua duena. Interneterako diseinu majoak egiteko jende saiatu eta berria nahi eta behar dugu. Internet gustatzea inportantea iruditzen zaigu CodeSyntax-en, ez horrenbeste Interneteko esperientzia akumulatua duzula enpresa honetan edo hartan jardun izanagatik... Hori baino interesgarriagoa iruditzen zaigu zure portafolioa sarean erakusteko webgunetxo bat baldin baduzu, edo blog pertsonal batean zure kezkak argitaratzen badituzu. Hala ere, Interneteko esperientzia ere ez da guztia.

2004/12/14

CodeSyntax diseinatzaile bila dabil - +

OAC - OAI: aurkezpena Durangoko Azokan eta Demoa sarean

OAI: estandar ireki bat, Interneteko liburutegi nazional baterako abiapuntu aurkeztu dute gaur CodeSyntax -ek eta Deustuko Deli ikertaldeak , Durangoko Azokan. Garatutako prototipoa sarean dago demo funtzional batean .

2004/12/07

OAC - OAI: aurkezpena Durangoko Azokan eta Demoa sarean - +

OAI: Estandar ireki bat, Interneteko liburutegi nazional baterako abiapuntua

Izenburu hau duen produktu-demostrazio eta aurkezpen-hitzaldia emango dute CodeSyntax-ek eta Deustuko Deli ikertaldeak, Durangoko Azokan, datorren asteartean, hilak 7, arratsaldeko 18.30etan. Hizlariak izango dira Josu Azpillaga, Codesyntax-eko I+G arduraduna, Luistxo Fernandez proiektu arduraduna, eta Joseba Abaitua Deustuko Unibertsitateko irakaslea. Deustuko Unibertsitateko DELI taldearekin batera egindako ikerketa proiektu baten emaitza da. Emaitza erreala, demo funtzional bat, kasu honetan.

2004/12/03

OAI: Estandar ireki bat, Interneteko liburutegi nazional baterako abiapuntua - +

OpenGroupware euskaraz

Talde lanerako tresna librea den OpenGroupware.org euskeratu dugu. Lan honen emaitza web honen bitartez edonoren esku jartzea ere erabaki du CodeSyntax-ek.

2004/12/01

OpenGroupware euskaraz - +

Euskarazko Kazetaritzaren I. Kongresuan

CodeSyntax-eko Luistxo Fernandezek Euskalduna Jauregian egingo den Euskarazko Kazetaritzaren I. Kongresuan parte hartuko du, Bitartekaritzarik gabeko kazetaritza ponentziarekin. Azken egunetan, Luistxok ponentzian aurkeztu behar dituen ardatz nagusiak bere blogean idatzitako artikulu sorta batean azaldu ditu: Hartzaileak Interneten informazioa jarraitzeko dituen moduak: zori hutsetik, gogokoetara, eta XML feed-etara Bitartekaritzarik gabeko kazetaritza (1) Gaur egungo hedabideetako informazio zeharo bitartekatua Bitartekaritzarik gabeko kazetaritza (2) Hartzailea, informazioaren kontsumitzailea, zentzu eraikitzaile eta igorle Bitartekaritzarik gabeko kazetaritza (3) Hartzailea igorle: blog edo weblogak Bitartekaritzarik gabeko kazetaritza (4) Kazetari talentua blogetan: kazetari sena eta teknika Bitartekaritzarik gabeko kazetaritza (5) Josu Landak neuk baino hobeto eta osoago kontatzen du nire burutazioaren ildoa... Bitartekaritzarik gabeko kazetaritza (6) Euskal panorama, hedabide estandarrekin konparazioak, eta etorkizuna Bitartekaritzarik gabeko kazetaritza (7) Kongresurako aurkeztutako txostena, eta aurkezpenean erabilitako presentazioa, hemen dituzu: Txosten idatzia (PDF dokumentua, 990 Kb). PPS aurkezpena (540 kb)

2004/11/10

Euskarazko Kazetaritzaren I. Kongresuan - +

Zope X3 3.0.0. azken bertsioa kalean

Zope 3 garapen taldeak Zope X3 3.0.0. azken bertsioa kaleratu dela iragarri du. Zope software libreko Web Aplikazioen Zerbitzari bat da (Web Application Server), Python programazio lengoaian idatzitakoa.

2004/11/08

Zope X3 3.0.0. azken bertsioa kalean - +

Coreblog euskaratuta, blog-ak egiteko tresna libre eta doakoa

CodeSyntax-ek blog-ak egiteko Coreblog softwarea euskaratu du, eta doan eskaintzen du emaitza webgune honetan. Gainera, Coreblog-en jatorrizko diseinu zurruna gaindituz, CSS estilo moldagarrietara egokituta dago euskarazko azal hau. Tresna honekin egindako garapen deigarriena, oraingoz, Eibar.org blog komunitatea da.

2004/10/25

Coreblog euskaratuta, blog-ak egiteko tresna libre eta doakoa - +

Ikaslan Gipuzkoa. Lanbide Heziketako Institutu Publikoen webgunea abian da

Gipuzkoako Lanbide Heziketako Institutu Publikoen Elkarteak, Ikaslan Gipuzkoa, web berria dauka. Webgunean Ikaslan Gipuzkoa Elkarteari buruzko informazio orokorra, garatzen ari diren proiektuei buruzko informazioa, Lanbide Heziketako zentro guztien informazioa , albisteak edo intranet pribatua aurkitu daiteke webgunean. Webgunea garatzeko CodeSyntax enpresak software libreko Zope aplikazioa erabili du. Helbidea: http://www.ikaslangipuzkoa.net da

2004/10/07

Ikaslan Gipuzkoa. Lanbide Heziketako Institutu Publikoen webgunea abian da - +

Parisko Zope/CPS/ERP5 sprint-ean

CodeSyntax-ek abuztuaren 25, 26 eta 27an Parisen egin den Zope/CPS/ERP5 sprint -ean parte hartu du. CodeSyntax-eko Aitzol Naberan Parisen egon zen eta beste 20 pertsonekin batera garapen eta programazio jardunaldi hauetan parte hartu zuen. Honako argazki honetan ageri da Aitzol Naberan lan-saio batean (elastiko ilunarekin). Nuxeo eta Nexedi , Zope/CPS/ERP5 sprint-aren antolatzaileekin batera, Capgemini, Unilog, CodeSyntax, University of Chalmers, CEA (French Atomic Energy Commission) eta Frantziako Barne Ministeritzako informatikariak bildu ziren.

2004/08/31

Parisko Zope/CPS/ERP5 sprint-ean - +

Euskal Herriko Podologoen Elkartearen webgune berria

Joan zen ostiralean Euskadiko Podologoen Elkargoaren web gune berria aurkeztu zen. Kolegioari buruzko informazioaz gainera, artikulu zientifikoa, osasunari buruzko txoko bat, eta arlo horrekin zerikusia duten hainbat kontu argitaratuko dira webgunean.

2004/06/22

Euskal Herriko Podologoen Elkartearen webgune berria - +

Goiena.net atariari diseinu saria

Society For News Design (SND) elkartearen sail espainolak antolatutako "Lo mejor del diseño periodístico España-Portugal" diseinu lehiaketan, aipamena jaso du CodeSyntax-ek egindako webgune batek, Goiena.net Debagoieneko atariak. Goiena.net-en albisteen testua aurkezteko era nabarmendu du epaimahaiak, El Pais edo El Mundo bezalako medio digitalekin batera aipamena lortzerakoan.

2004/06/21

Goiena.net atariari diseinu saria - +