Betor: Kariñoa eta printzipioak, diseinuaren lanaz eta garrantziaz

2013/10/10

Betor hitzaldi sortaren barruan, atzo La Personnalité enpresako bikote ekintzaile eta sortzailearen txanda izan zen: Goio Telletxea eta Ana Malagon. "Kariñoa eta printzipioak" izenburua zuen aurkezpen interesgarri bat eman ziguten.

+

Twitter burtsara irtengo dela eta...

2013/09/13

Albistea da Twitterrek erabaki duela burtsara irtetea. Iñaki Olano kazetariak deitu dit, hiru galderatxorekin adierazpen zatitxo batzuk eskertuko lituzkeela ETBko albistegietan emateko. Zirriborro gisa prestatu ditut berak emandako galderei nire erantzunak... Grabatutakoan ez dakit lerro hauetatik ezer esan dudan benetan, baina tira, idatziz prestatu naizenez, blogerako ere balio dezatela lerrook.

+

Twitter, analitika eta metrikak hainbat ikuspuntutatik

2013/06/20

Sare sozialak esaten dugu, baina funtsean bi zerbitzutaz ari gara hemen: Twitter eta Facebook. Hauen garrantzia, bereziki inportantea da informazio freskoaren zirkulazioan, eta esparru jakin honetan, komentzitua nago Twitter funtsezkoago dela Facebook baino. Honetatik ondorioztatzen dut, Twitterreko datu analitikoak inportanteak direla Interneteko ekimen baten komunikazio ahaleginean. Eta datu horiek metrika eta desberdinekin ikus daitezke, besteak beste, Umap-etik ateratzea espero dugun eta gaur aurkeztu dugun analisi batekin.

+

Haritz Rodriguez Betor hitzaldian: "Sare sozialek ez dituzte blogak hil, indartu baizik"

2013/05/17

Haritz Rodriguezen txanda izan da Betor hitzaldi sortan. Euskaldunon sarean Xuriken goitizenarekin ezagutu dugu, eta hainbat saltsatan ibili izan da azken urteotan. Asteazkenean, Deustuko Unibertsitatearen Donostiako kanpuseko Innogune aretoan, 'Hedabide sozialak' goiburuarekin azaldu zigun sareari buruz duen ikuspegia eta bera zein proiektutan dabilen.

+

Komunikaldiak: berrikuntza 'media' produktuetan

2013/03/21

Komunikaldiak Jardunaldietan izan nintzen atzo, Arrasaten. Berrikuntza laborategien eta ekimenen berri entzun genuen, eta bereziki arreta jarri komunikazioarekin zerikusia duten berrikuntza prozesuetan.

+

Currents edizioak Niagarank eta Sustatu-rentzat, primerakoak tablet-etan irakurtzeko

2013/02/04

Google Currents gailu mugikorrekin eduki editorialak kontsumitzeko aplikazio interesgarri bat da. Google-ren izena darama, baina Android zein Apple gailuetan dabil, mugikor eta tablet-etan, eta doakoa da. RSS edukiak kontsumitzeko aukera ematen du, baina are interesgarriagoa: aplikaziora egokitutako edizio bereziak. Eta era horretako bi edizio berezi garatu ditugu CodeSyntax-en, Sustatu eta Niagarank albistegientzakoak.

+

Niagarank ireki dugu: 40 kanaleko albistegi bat Espainiako merkatutako

2013/01/08

Sustatu eta beste bezero batzuentzat garatutako albistegi automatikoen produktua berrindartu dugu, eta 40 aldiz biderkatuta, Espainiako albiste merkatura zuzendutako agregatzaile berria jarri dugu kalean: Niagarank.es

+

Gure enpresa ere, Euskararen Nazioarteko Egunean

2012/11/28

Euskaraz lan egiten duen enpresa da gurea. Ez daukagu (oraingoz) ziurtagiririk baina, esaten badizuet, sinistu mesedez. Non sortu garen eta non egiten dugun lan presente dugu beti. Datorren astelehenean, Euskararen Nazioarteko Egunean (abenduaren 3an), gure apurra ere emango dugu.

+