Elhuyar Aldizkariaren webgune berria

2012/09/11
Pasa dira jada zenbait hilabete Elhuyar Zientzia eta Teknologia aldizkariaren webgune berria kaleratu genuenetik, nahiz eta blog honetan aipatzeke geneukan. Denbora luzez jardun genuen aldizkaria osatzen duen lan-taldearekin edukiaren arkitekturan, diseinuan eta garapenean lanean.

Euskaraz argitaratzen den aldizkari deigarri eta berezienetako bat da Elhuyar Aldizkaria, eta horrek interes berezia eman dio proiektuari. Proiektu honetan argi geneukan gure helburua Aldizkariak eskaintzen dituen edukiak era interesgarri eta erakargarrian eskaintzea zela, bai harpidedunentzat zein irakurle normalentzat; zentzu horretan oso lagungarriak suertatu dira Elhuyar Aldizkariak darabiltzan kalitatezko argazkiak, bota begiratua, merezi dute eta.

Paperean eskaintzen dituzten edukiak sarean jartzeaz gain harpidedunei zerbitzu gehigarriak ere eskaintzen dizkie: edizio digitalaren deskarga, eduki osagarriak, iruzkinak egiteko bidea eta harpidetzaren datuak kudeatzeko aukera.

Webgune berriak atzetik neurrira egindako eduki kudeatzailea dauka, Django software libreko framework-a erabiliz egina. Elhuyar Fundazioarentzat garatu genuen Zientzia.net-ekin konektatuta dago Aldizkaria, azpiegitura zein eduki ikuspuntutik.

Elhuyar Aldizkaria

Erantzun

Erantzuna emateko identifikatu egin behar zara, gure webgunean erabiltzaile bat sortuz edo zure Twitter edo Facebook kontua erabiliz.

Mikel Lizarralde

Marketing arduraduna. Hobera egin du: lehen altzariak saltzen zituen.