Going Local, Europako Agenda Digitala Bilbon
2013/11/11
"Informazioaren eta Komunikazioaren Teknologiak: errekuperazio ekonomikorako oinarriak ezarriz". Goiburu horrekin atzo azaroak 11 elkartu ginen Bilboko Euskalduna Jauregian, Europar Batzordean antolaturik, "Going Local" jardunaldian.
Lau saiotan antolatu da Europear Agenda Digitala-ren Going Local, "Informazioaren eta Komunikazioaren Teknologiak: errekuperazio ekonomikorako oinarriak ezarriz" jardunaldia:
- Lehen saioa: Nola finantza daitezke enpresak
- Bigarren saioa: Telekomunikazioen merkatu bakarra. Errealitatea edo fikzioa?
- Hirugarren saioa: IKTak eta enplegua, sorrera edo galera?
Laugarren saioa: Konbergentzia: Telebista Interneten edo Internet telebistan?
Hogei ponentek baino gehiagok hitz egin dute, eta denak interesgarriak izan dira. Baina laburtze aldera, hauxe azpimarratuko nuke:
- Sektorearen garrantzia, enplegu sorreran eta zeharkako sektore bezala, bestelako sektoreen lehikortasuna bermatzen dutelako.
- Zerbitzuetan gaur egun baino arreta gehiago jarri behar dela, eta ez hainbeste azpiegituretan.
- Lanbide digital berrien erronkari begira profesional digital gehiago behar direla.
- Europak duen desabantaila Amerikako Estatu Batuekiko. Konpainia eta enpresa handi guztiak AEBkoak direlako.
Jardunaldiak utzi dituen bestelako esaldi eta irudiak #da13es hashtag edo traolaren pean. Era berean, gaztelaniaz izan zenez jardunaldia, oharrak ere hizkuntza horretan hartu nituen eta gaztelerazko nire kronika apur bat osatuagoa aurkituko duzue hemen.
